A A.V.C.U. – C.S.C.R. de Beade ven de presentar “Cereixa en flor”, a programación cultural que colle o relevo da “Cereixa de auga” e que fai alusión á primavera.

A programación é inaugurada este domingo ás 17H polo “Entroido en Beade”, un evento que contará coa participación especial da comparsa “De Beade a Buckingham”, gañadora do Concurso de Comparsas e Carrozas de Vigo 2023, a modo de pasarúas pola parroquia, para a continuación dar lugar a unha festa de disfraces con animación para todos os públicos nas instalacións do C.S.C.R. de Beade.