“ENTRE FIESTRAS ANDA O XOGO”

Para participantes de 3 a 12 anos

Conducidos por Mª Xosé Martínez e persoal de Didáctica do MARCO

Datas: martes 2, mércores 3 e xoves 4 de xaneiro de 2024

Horario: de 11.00 a 12.30 (de 3 a 6 anos) e de 12.30 a 14.00 (de 7 a 12 anos)

Lugar: Laboratorio das Artes (Espazo Anexo) e salas de exposición

O programa especial destas datas xira ao redor dunha selección de obras do artista JUAN GIRALT. Durante tres xornadas consecutivas, a través de percorridos con xogos de movemento, preguntas e experimentos nas propias salas de exposición e no espazo do “Laboratorio das Artes”, ensaiaremos diferentes perspectivas, atoparemos varios cadros diferentes nunha mesma superficie, emparellaremos as obras, e faremos a nosa propia selección atendendo a criterios como tamaños, cores, liñas e motivos.