Como cada mes de xuño, a Asociación Nós Mesmas e Avante Galicia preparan unha extensa e variada programación baixo o título Orgullo Crítico coa que busca visibilizar ao colectivo LGTB+, tecer redes e celebrar o Día Internacional do Orgullo LGBT. A efeméride que ten lugar 28 de xuño.

Xoves 29 ás 19:00 h no Auditorio do Concello: Elisa e Marcela

A Panadaría trae a xira de despedida do multipremiado espectáculo que adapta a historia do primeiro matrimonio homosexual en España, que se deu na Coruña en 1901, precisamente en xuño. As actrices Areta Bolado, Noelia Castro e Ailén Kendelman contan coa dirección de Gena Baamonde.

Sipnose: Ano 1901, A Coruña. Dúas mulleres casan na igrexa de San Xurxo, unha delas vestida de home. Unha historia de persecucións policiais, fuxidas en dilixencias, cambios de identidade e informacións manipuladas. As cómicas de A Panadaría presentan unha reconstrución irreverente e dun suceso real. Unha comedia musical onde o verídico parece invento. Elisa e Marcela é unha historia de amor a contratempo.