Despierta Polifemo!

«Un Fillo parte cara aos confíns do Océano, cara ao Inframundo, en busca do seu Pai. Alí atópao bebendo sangue azucrado no que parece unha antiga tenda de deportes, adornada con primitivos balóns e trofeos xa obsoletos. O Pai regálalle unhas sandalias aladas e promételle que con elas poderá achegarse ao Olimpo do deporte da canastra sempre que desatenda absurdas profecías e expurgue os seus versos de maledicencias contra a súa liñaxe e contra a súa patria. O que ocorrerá a continuación só poderao narrar, cal cantar de xesta, un xigante cegado no seu único ollo cando o sorprenda, bailando e abrazando sombras psicodélicas, a Aurora de rosados dedos.»

Despierta Polifemo! é un ritual performativo representado por Héctor Arnau e dirixido por Tomàs Aragay. Está dedicado á memoria dos seus proxenitores, Pipo e Francesc.

Venres 22 ás 20:00
Sábado 23 ás 20:00
Domingo 24 ás 20:00

Entradas na web de Ensalle