Deadletter

Radar Estudos presenta este venres 29 de setembro aos ingleses Deadletter. O sexteto de Yorkshire é serio aspirante a ‘next big thing’ do post-punk británico. Lanzaron o seu primeiro single en 2020 e na primeira metade de 2021 remataron ese despegamento con outro par de temas, tres dardos na diana que recibiron forte apoio na BBC (chegando un deles a ser “Tip Of The Week” en BBC Radio 1). En 2022 editaron máis sinxelos e o seu primeiro EP (‘Heat!’), en paralelo á finalización da súa LP de debut, que sairá a finais deste ano. Que hai moitas ganas dese disco pódese comprobar nas recensións que non deixan de aparecer mentres esa gravación chega. Expectativas altas grazas á súa maneira de canalizar a furia de The Fall e os ritmos desequilibrados de LCD Soundsystem nunha variedade de post-punk vehemente, explorando o lado máis escuro da existencia a través dunha lente de lixeireza que impulsa a súa narrativa.

Entradas