Klandestinas estréanse en Twitch cunhas xornadas para quentar motores de cara o 8M. Nesta ocasión, deciden renderlle homenaxe ás mulleres da cultura, dobremente invisibilizadas: polo seu desenvolvemento profesional nun sector esquecido polas administracións (duramente golpeado pola crise sanitaria) e por ser mulleres nun sector tan masculinizado. Por suposto, quixeron tirar do local, cun cartaz envexábel. Aine Veloso (@acompasadas ), Lupita Hard (@lupita_hard ), Nuria Vil (@vil.nuria ) e High Paw (@highpawgz ) son as escollidas para facer a velada da finde algo máis amena. Conversas sobre música, poesía, activismo, artes plásticas…sempre con perspectiva de xénero. Humor, crítica, ironía, sororidade, boa vibra e feminismo: un cóctel molotov a punto de estalar.

Horas:
Venres (20:00): Videoreacción a El Madrileño de C Tangana.
Sábado: Aine Veloso (20:00) Lupita Hard (21:30)
Domingo: Nuria Vil (20:45) High Paw (22:00).