'CONTOS POLA PAZ'

SESIÓN DE “CONTOS POLA PAZ”, O VENRES 30 EN LIBROS PARA SOÑAR.

A libraría Libros para soñar (Triunfo, 1) de Vigo retoma este venres, ás 18:00 h, as sesións de animación á lectura para nenas e nenos a partir de tres anos. “Contos pola paz” é o lema deste encontro, como continuación ao Día Escolar da Non Violencia e da Paz que se conmemora cada 30 de xaneiro. «Os migrantes», de Marcelo Simonetti e Maria Girón, será un dos relatos dun repertorio temático arredor da amizade: unha historia editada por KALANDRAKA que, a través da mirada limpa e inocente da infancia, anima a mudar a relación coa poboación migrante rachando os prexuízos e valorando a diversidade.