Coa intervención das autoras: Chis Oliveira e Priscila Retamozo

O Comando Igualdade busca construír a igualdade de xénero, desaprender condutas sexistas e pór en práctica os valores de equidade, empatía e corresponsabilidade de forma colectiva e horizontal. Este libro explica o porqué da formación deste colectivo vigués formado por adolescentes, os valores que promove e a necesidade de que exista un comando en todos os institutos e en calquera recuncho da sociedade. Todo un manual introdutorio para xente moza, e non tan moza, interesada en mudar a realidade patriarcal.