María Lado, Patricia S. Seoane e Alba Faro protagonizan a conmemoración do Día das Letras Galegas 2025 coa charla-coloquio O legado das cantareiras. A Real Academia Galega acordou dedicar o Día das Letras Galegas 2025 á poesía popular oral, personificado en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica). Nesta charla-coloquio tratarase a importancia do cancioneiro tradicional e das pandeireteiras como suxeitos transmisores do mesmo. Música en directo, poesía e literatura poñerán a guinda nesta xornada especial.

— Interveñen: María Lado (escritora), Patricia S. Seoane (mestra de baile e música tradicional; pandeireteira e bailadora) e Alba Faro (mestra de música tradicional e pandeireteira), o venres, día 16 de maio ás 8 da tarde no Salón de actos do MARCO.

— Presenta: Anabel Montouto (webmaster de FARO DE VIGO).