'Chico!', con Pablo Carreiro

A sala PLAFF (Rúa Oliva 8, Vigo) acollerá o venres 4 de agosto a partir das 20:00h a celebración de todo o camiño percorrido por Chico! Los que van detrás de la fila, a serie de cómics de Pablo Carreiro.

Pablo Carreiro percorrerá os tres volumes publicados ata agora e compartirá novidades sobre o tomo que publicará a finais de ano. A historia de Chico! reflicte moitas das experiencias e desafíos dunha adolescencia queer. A súa trama situada na cidade de Vigo supuxo toda unha viaxe emocional cara a tempos pasados e recordos persoais do autor, nunha historia con estética otaku e moita retranca galega.

Nesta ocasión, Carreiro non estará só. A asociación AVANTE LGBT+ VIGO comezará o evento cunha charla informativa sobre a comunidade e os seus novos proxectos e iniciativas.