Charlas, música e descontos en Maraca polo Día da Ilustración

Celebración do Día da ilustración que terá lugar o vindeiro martes día 30 coincidindo, como cada ano, co día do nacemento de Castelao.

Este ano preparan un evento moi completo cunha primeira parte na que oito dos ilustradores mais interesantes de Galicia presentarán o seu traballo nunhas microcharlas individuais nas que nos falarán dun modo moi ameno e en menos de 10 minutos cada un de que é a ilustración e como a “executan”.

Despois chegará a actuación de Paulo Pascual aka Modulador de Ondas que poñerá música coa súa theremin e algún instrumento máis á interveción artística que fará Montse Piñeiro ilustrando en directo coas súas proxeccións creadas artesanalmente en vivo. Unha “batalla” ente música e ilustración que será o broche perfecto para este día que celebra a ilustraciónn en Galicia.

10% de desconto en ilustracións durante todo o día