Yerma Alonso Harada, profesora de xaponés na EOI de Vigo ofrécenos esta pequena achega a esta cerimonia, onde tomar o té convértese nunha arte en si mesma que fala da beleza e do contacto do ser humano coa natureza.

En Xapón, accións que podemos considerar cotiás adquiren un forte carácter cerimonioso para arraigalas á súa intensa cultura espiritual. Tomar o té para eles non é unha mera actividade. A cerimonia do té ou Chanoyu é un acto de alta relevancia social e que responde a unha longa tradición cunha gran carga simbólica.