AS NOSAS BATEAS, FONTE DE VIDA

O programa comenzará ás 10:00h e extenderase ata as 19:00h. A axenda do día iniciarase cun acto institucional, seguido da lectura dun manifesto por parte dos produtores de Opmega, reafirmando o seu compromiso coa xestión sostible do mexillón e a conservación dos océanos.

Posteriormente, realizarase un percorrido pola exposición de gran formato deseñada para a ocasión e terá lugar unha intervención artística sobre o oficio miticultor. Ao longo da xornada terán lugar diferentes actividades de divulgación e entretemento relacionadas co traballo de Opmega e a partir das 13:00h, os asistentes poderán disfrutar dunha degustación gratuita de arroz con mexillóns, preparada polo chef Miguel Mosteiro.

En horario de tarde, continuarán as actividades con máis xogos educativos e o coñecido actor, Carlos Blanco, pechará o evento realizando un monólogo.