'As casas reitorais do Camiño Portugués'

‘As casas reitorais do Camiño Portugués’ é unha exposición de fotografías que forma parte dun proxecto de divulgación e revalorización patrimonial das Casas Reitorais do Camiño Portugués, actuación que está enmarcada dentro do programa “O teu Xacobeo” posto en marcha para dinamizar o Camiño a través de iniciativas multidisciplinares.

A exposición quere ser unha imaxe fixa da situación deste patrimonio no momento presente, patrimonio que tanta importancia tivo no pasado e que na actualidade atópase nun momento crítico.

Estará exposta no Museo do Mar de Galicia do 1 ao 31 de maio. A exposición é gratuíta e permanecerá aberta no seguinte horario:

• De martes a venres de 10:00 a 14:00 e de 16:00 a 19:00
• Sábados, domingos e festivos de 11:00 a 14:00 e de 17:00 a 20:00