Arnaud Desprez Trío + Jam Session

Nacido en Francia, Arnaud empezou a tocar o saxofón aos 9 anos e fixo a carreira de saxofón clásico no conservatorio de Lille. Tras graduarse en 2005, incorporouse a clases de jazz no conservatorio. En 2009 foise a Nova York e coñeceu á lenda do jazz e mestre do saxofón Bob Mover, con quen estudou durante varios anos tanto en EE.UU como en Europa.

Arnaud tocou e gravou con músicos como Corey Harris, Eve Cornelious, Raashan Ahmad, Big Jay McNeely, Lloyd Price, Keith Dunn… O seu estilo no saxofón tenor afunde as súas raíces na tradición do jazz, pero tamén no blues, estilo ao que é especialmente afeccionado.

Este martes estará con Chus Pazos á batería e Alex Touceda ao contrabaixo.