Arima Soul

Arima Soul é o novo proxecto de música Soul (“Arima” en eúscaro) creado por Mikel Makala (baixo) e Lida Insausti (voz), incorporándose máis tarde Paul San Martin (teclados) e Gorka Gaztanbide (batería). Con clara influencia do Rhythm & Blues, Soul, Funk, Jazz-Groove dos 60’s e 70’s, pero cunha mirada posta na corrente máis contemporánea destes estilos, o Neo Soul.

Nos seus directos, ademais de tocar temas propios cantados en eúscaro, interpretan versións dalgúns expoñentes do Soul como Etta James, Gil Scott-Heron, Marie “Queenie” Lyons…

Este mércores 5 estará no Sinatra Coctel Bar a partir das 20:30h.