RevistaNadal

abril, 2021

13abr10:00(A)pegadas: Diego del Río presenta 'Ras al Hanout'ARTE E MUSEOS | De balde10:00 Museo Liste

Detalles do eventos

‘(A)pegadas: transitar onte para camiñar hoxe’ é un proxecto expositivo colectivo no que unha escolma de artistas multidisciplinares dialoga co patrimonio etnográfico que configuran os fondos da colección do Museo Liste— Etnográfico de Vigo desde diversas técnicas, disciplinas e perspectivas. Un diálogo arredor da nosa cultura material e simbólica dende unha ollada contemporánea.

Cada mes, un artista fará a montaxe final da súa obra en público e, sobre todo, disertará sobre aspectos do seu proceso creativo dende o momento en que descubre o museo ata a idea xeradora da obra nun diálogo entre antigüidade e modernidade.

Diego del Río, presentará “Ras al Hanout II” na Sala da Luz do museo, intervención na que reinterpreta o tratamento dos materiais orgánicos e naturais, a súa utilidade, características e capacidades mediante a pintura matérica tridimensional e expandida, adaptada ao espazo e ao discuros expositivo. Estará acompañado da comisaria da exposición Alexandra R. Rey, creadora e coordinadora do proxecto e interlocutora entre as/os artistas e o museo.

Ese mesmo día 13, subirán ao blog do Museo Liste un vídeo co proceso de montaxe da obra e unha entrevista a Diego del Río.

Máis

Hora

(Martes) 10:00

Localización

Museo Liste

Calle Pastora, 22, 36210 Vigo, Pontevedra

X