Con motivo do 20 aniversario, o Museo do Mar de Galicia celebra actividades gratuítas todos os xoves do mes de agosto ás 20:00. Serán sen reserva previa ata completar aforo.

Arranca o xoves día 4 cun concerto didáctico a cargo de Rosa Sánchez e Pablo Carpintero.

‘Falando a música’ de Rosa Sánchez e Pablo Carpintero, é un concerto didáctico que pretende amosar e por en valor o noso patrimonio cultural musical, pero tamén falar da música como manifestación cultural esencial para os humanos. Vai dirixido a todo tipo de público, pois aporta información relevante sobre a nosa evolución como especie e os procesos de evolución cultural. Tamén pretende pór en valor e dar continuidade a un coñecemento propio e substancial da nosa cultura.