A RAPAZOLADA NA CERNA: TANIA JUSTO

Xoves, 26 de decembro de 2024. 11:30 h.
Auditorio do CVC de Valladares – Todos os Públicos
Jano Costas

“Sin Medidas”: Humor en clave de clown orixinal, participativo e arriscadamente divertido. Espectáculo unipersoal de Jano Costas, representado en multitude de eventos e festivais. Jano, un personaxe sen palabras, xogas coma un cativo atrapado nos medos dun adulto; coa súa presenza amable e próxima vainos introducindo no seu entender a vida, nun mundo que lle ven grande e no que quere encaixar atopando a xusta medida das cousas. Sabe como aproximarse ó seu público e darlle lugar na escena, non ó servizo do artista se non como coprotagonista. Mestura a destreza dos malabres, a forza das acrobacias e un desenfreado enxeño.

Entrada de balde ata completar aforo

Venres, 27 de decembro do 2024 ás 11:30 h.
Auditorio do CVC de Valladares – De 0 a 6 anos
TANIA JUSTO: “DO BERCE Á LÚA”
Contacontos
Tania Justo é unha pianista e musicoterapeuta. Actualmente dirixe a Academia de música Kairos, en Vigo, na que traballa como docente de piano e iniciación musical, empregando o seu propio método a través das cores dende os 4 meses de idade e traballa como musicoterapeuta con nenos e nenas con diagnóstico de autismo. Posúe ampla experiencia no campo do ocio e tempo libre. Organiza e xestiona diferentes campamentos temáticos e actividades relacionadas coa infancia, así coma ocio cultural cantacontos e concertos didácticos para as diferentes idades. “Do berce á lúa” é un concerto-obradoiro destinado ós máis cativos/as (de 0 a 6 anos) no que se iniciará á lectura a través desta serie de libros da editorial Kalandraka, onde os cantarán xuntos e xuntas.

Entrada de balde ata completar aforo

Sábado, 28 de decembro de 2024 ás 18:30 h.
Auditorio do CVC de Valladares – De 6 a 12 anos
ANTÓN KE: “PLÁSTICOS FÓRA!”
Contacontos musical

Antón Ke é un músicao ukeleleiro con formación e experiencia como educador ambiental e técnico en saúde ambiental. Plásticos Fóra! Trátase dunha actividade de sensibilización e concienciación ambiental. Está pensada para achegar á temática da situación actual dos residuos, facéndo énfase na problemática ambiental causada polos residuos plásticos . A través dun conto musicado e dinámicas favorecerase a comprensión sobre a redución, a reutilización e a reciclaxe dos residuos dun xeito lúdico e onde as crianzas participan de xeito activo.

Entrada de balde ata completar aforo

Domingo, 29 de decembro de 2024 ás 18:30 h.
Auditorio do CVC de Valladares – A partir de 3 anos
NOELIA PORTO: “NADAL EN PRÁCTICAS”
Contacontos interactivo

Nolitas é una Elfa un pouco peculiar, este nadal está en prácticas e a piques de afrontar a súa proba de “COEN” (Certificado Oficial a Elfo de Nadal). Pero para iso vai precisar a tua axuda. Terás que colaborar con ela nas diferentes probas que ten que pasar, como por exemplo: crear un xoguete, cantar panxoliñas, recibir as cartas cos desexos de nadal e ata facer un exame teórico, entre moitas outras cousas que irás descubrindo. Será capaz Nolitas de conseguir este nadal o seu certificado de Elfa? “Nadal en prácticas” é un contacontos interactivo onde todos participan, pequenos e maiores. Mediante contos, cancións e diferentes actividades interactivas co público faremos que pasedes un ratiño moi divertido.

Entrada de balde ata completar aforo

Luns, 30 de decembro de 2024 ás 11:30 h.
Auditorio do CVC de Valladares – Para todos os públicos
“Magia en la Manga”
Obradoiro máxico

Obradoiro de maxia a cargo destes ilusionistas profesionais galegos que, despois de moitos anos de experiencia no escenario por separado, deciden comezar este proxecto que foi recoñecido no Pont-Up Store 2019 como mellor proxecto de emprendemento na categoría de Formación, Arte e Cultura pola súa orixinalidade, calidade e profesionalidade.

Entrada de balde ata completar aforo