'Pinceladas do esquecemento' de Elina Molins e Blanca Chao

A Pinacoteca Francisco Fernández del Riego acolle corenta obras das artistas viguesas Elina Molins e Blanca Chao, dúas creadoras relevantes do século do XIX que viviron nunha sorte de ostracismo ou descoñecemento xeral a relegarse a súa obra á consideración de afeccionadas. Baixo o título ‘Pinceladas do esquecemento’, foi inaugurada o venres 28 de xullo e pode visitarse no museo municipal ata o 24 de xaneiro.

As obras recollen as lembranzas sobre lenzo de dúas mulleres da alta burguesía viguesa que pintaban as súas paisaxes preferidas, retrataban aos seres queridose a xente anónima; escenas que falan da súa vida íntima e cotiá. Estas obras son préstamo de particulares e de institucións como o Museo de Pontevedra, a Fundación Penzol ou a Fundación Rosalía de Castro.

HORARIO:
Luns: Pechada
Martes a venres – 18:00 a 21:00 h
Sábados – 12:00 a 14:00 e 18:00 a 21:00 h
Domingos: 12:00 a 14:00 h