'La guitarra flamenca de Yerai Cortés' con C. Tangana

Hai uns días anunciabamos que Antón Álvarez, máis coñecido como C Tangana ou Pucho, volvía á cidade do seu pai para presentar o seu primeiro filme La guitarra flamenca de Yerai Cortés nos Cines Tamberlick. As entradas voaron, pero hai boas novas para os fans do madrileño: O Centro Comercial Travesía acollerá dous pases coa presenza do director o xoves 30 de xaneiro. O primeiro será ás 18:00 h con coloquio posterior e o segundo ás 20:20 h, con presentación previa. O filme conta con dúas nominacións aos Premios Goya: mellor filme documental e mellor canción orixinal.

Sipnose:
Cando Antón Álvarez, C.Tangana, coñece a Yerai Cortés queda completamente fascinado co seu talento e intrigado pola súa historia familiar. Yerai é unha figura inusual dentro do flamenco; tan respectado polos xitanos máis tradicionalistas como polos artistas vangardistas da nova onda da que el forma parte. Deciden emprender unha viaxe xuntos para gravar un disco no que as cancións veñen marcadas por unha gran pena, onde o propio proceso artístico o enfronta co seu pasado e o empuxa a explorar un segredo familiar a través do cal trata de redimir a relación cos seus pais. O resultado é unha película que desenvolve unha experiencia musical única para mergullarnos nunha historia de paixón, amor e perdón.

Entradas