'A Meniña Gaiteira'

Concerto recital en homenaxe a Rosalía de Castro con Servando Barreiro.

“A meniña gaiteira” é un espectáculo baseado na vida e obra de Rosalía de Castro. Nel os poemas de Rosalia son cantados entre paisaxes biográficas e declaracións sobre a súa condición de muller e escritora galega.

O resultado é un conxunto ben equilibrado de cantigas alegres (con acordeón) e outras mais reflexivas e biográficas (acompañadas da guitarra) enfiadas con comentarios e pasaxes que destacan outros aspectos menos coñecidos mas non por iso menos importantes do seu pensamento.