bannerEspazoFest
Banner Sin Sal

CUBO, o novo espazo para a cultura e a creatividade

Este venres inaugurouse CUBO, un novo espazo de 90 metros cadrados para a arte situado no centro da cidade. Impulsado por Alfons Freire, CUBO é un espazo aberto ás ideas, ás artes e ás persoas, no que se poderán realizar exposicións, charlas, debates e reunións.

O pase de diapositivas require JavaScript.

Vigo ten un novo espazo cultural. O seu nome é CUBO e o poderemos atopar na céntrica rúa de Doutor Cadaval. Un espazo formado por dúas salas, unha situada no baixo e a outra na entreplanta, ambas no número 17, sumando entre as dúas un total de 90 metros cadrados.

Banner A Movidiña

Este venres 23 de novembro CUBO abre as súas portas como un lugar de acollida da actividade cultural, social e creativa da cidade. Este espazo, promovido polo vigués Alfons Freire, ofrece as súas salas para reunións, conferencias, exposicións, debates, presentacións e calquera iniciativa artística ou social.

Aínda que a presentación foi este venres ás 19, CUBO leva xa aberta con anterioridade, e xa foron varias asociacións e entidades da cidade as que elixiron este lugar como espazo para desenvolver as súas actividades, como por exemplo Ateneo Atlántico, Os Ninguéns e o Movemento de Defensa das Pensións.

Co seu apartado para exposicións búscase a reflexións sobre as obras artísticas alí dispostas: que son, como se producen e cales son os seus fins. Na actualidade podemos visitar as obras de tres artistas galegas como Pilar Alonso, Yolanda Carbajales e Iria Vázquez, que pretenden superar a banalidade das imaxes que impera hoxe en día.

 

X