Axenda completa de Vigo en Festas – A Movida

Axenda completa de Vigo en Festas

Arrancan as festas de Vigo cun amplo programa de concertos e actuacións, na súa maioría gratuítas, para que os vigueses gocen como nunca do verán na cidade olívica. O programa de Vigo en Festas arranca mañá xoves coa actuación de Little Steven no Auditorio de Castrelos. Steven será o primeiro dos dez grandes concertos que este ano desfilarán por Castrelos. A actuación do rockeiro norteamericano irá seguida polas de: Serrat, Maná, Dorian e Zoé, a Coral Casablanca, Morat, Raphael, Juanes e OT. Falta por confirmar unha nova cita para o 5 de agosto que o alcalde anunciará de maneira eminente. Neste mesmo espazo tamén terán lugar catro actuacións para o público infantil e xuvenil nas primeiras semanas de agosto. Os pequenos poderán gozar de Rock en Familia, Cantajuegos, Xuráxico a Illa Perdida e Pepa Pig e Ben e Holly. En total o programa está composto por 64 actuacións entre o 12 de xullo e o 12 de agosto nas que haberá animación na rúa para os cativos, deporte, gastronomía, natureza, folclore, tradición e moita música. Podes consultalas todas no noso calendario de eventos.

novembro, 2018

Non hai eventos

Compartir
X