Así celebrará Vigo o San Xoán – A Movida

Así celebrará Vigo o San Xoán

Xa está aquí unha das noites máis máxicas do ano. O lume, as sardiñas e a troula serán os protagonistas en gran parte dos barrios e parroquias de Vigo que se preparan para dar a benvida ao verán. Neste mapa podes consultar todas as cacharelas que solicitaron permiso. Os bombeiros están revisando que se cumpren as medidas de seguridade polo que pode ser que algunha delas non chegue a arder. Ao longo do día de mañá actualizaremos coas fogueiras autorizadas.

A noite de San Xoán non é só a máis curta do ano senón que tamén é unha das máis místicas. Un festexo de orixe pagán que celebra o solsticio de verán ao redor dunha fogueira purificadora. A sardiña é outra das grandes protagonistas nesta noite, e ben sabido é “En San Xoán a sardiña molla o pan”. Os ritos e crenzas en torno a esta celebración son do máis variado. Un dos máis coñecidos é o de saltar sobre as últimas lapas de lume ao tempo que se exclama:

Salto por riba

do lume de san Xoán,

para que non me morda

cadela nin can

nin bicho vivinte

que ande polo chan.

Outra das tradicións máis estendidas é a de lavar a cara na mañá de San Xoán co Cacho, unha mestura de auga con herbas típicas galegas.

O Concello ten rexistradas 30 solicitudes de fogueira para a celebración deste San Xoán 2018, poucos son os barrios da cidade que non teñen a súa propia. Pero previo a fogueira hai programadas outras actividades. Entre o venres e o sábado hai organizadas varias saídas en diferentes puntos da cidade para ir recoller as herbas de San Xoán e crear o noso Cacho. Os que de ben seguro van gañarse as sardiñas son os participantes na Carreira Nocturna de San Xoán que sairá ás 21:00 da praza do Rei e, tras un percorrido de case 8 quilómetros, culminará na praza do Berbés, onde os corredores se poderán unir a unha das festas de San Xoán con máis sona da cidade. A Asociación do Casco Vello ten programada unha velada de moita música, auga e por suposto lume. Un pouco máis arriba os veciños do Casco Vello Alto volven organizar unha gran sardiñada na praza do Abanico. Unha das propostas máis orixinais para pasar este San Xoán é o proposto pola Asociación de veciños de Teis, onde a tropa Korriban de ‘Star Wars’ estará animando a festa. A comida, a música e as fogueiras están aseguradas nas asociacións do Val do Fragoso, a Miñoca, As da Industria e Navia. Pero, se algo ten sona é ir pasar o San Xoán á praia. A costa de Vigo resplandecerá co arder das fogueiras a partir da media noite. Nesta contorna, a de Alcabre conta con boa fama e a partir das 20:00 hai programada unha intensa actividade festeira na que o público infantil terá gran protagonismo. As parroquias da cidade tamén se unen a celebración e haberá fogueira en Beade, Matamá, Freixo, Cabral, Saiáns…

A continuación, os eventos das festas de San Xoan e a súa programación:

23xuñ21:00San Xoán no BerbésFESTA | De balde21:00 Plaza do Berbés


23xuñ20:00San Xoán en AlcabreFESTA | De balde20:00 Torreiro da Igrexa Vella de Alcabre


23xuñ17:30San Xoán en NaviaFESTA | De balde17:30 Navia


23xuñ22:00San Xoán en BouzasFESTA | De balde22:00 Pavillón Polideportivo Bouzas


23xuñ17:30San Xoán 'As da industria'FESTA | De balde17:30 Parque de Joaquín García Picher


23xuñ20:00San Xoán no Casco Vello AltoFESTA | De balde20:00 Praza do Abanico


23xuñ22:00San Xoán en TeisFESTA | De balde22:00 Auditorio da OMD Teis


23xuñ19:30San Xoán en BalaidosFESTA | De balde19:30 AVV Val do Fragoso


23xuñ18:00San Xoán en MatamáFESTA | De balde18:00 Matamá


23xuñ20:00San Xoán en FreixoFESTA | De balde20:00 Igrexa San Xoan (Freixo)


23xuñ22:30San Xoán en SaiansFESTA | De balde22:30 Baixada á Praia, Saians


23xuñ22:07San Xoán en BembriveFESTA | De balde22:07 Centro Cultural Helios Bembrive


23xuñ21:01San Xoán en CabralFESTA | De balde21:01 AVV Santa Marina de Cabral


23xuñ16:00San Xoán no MercantilFESTA | De balde16:00 Círculo Mercantil


23xuñ21:00San Xoán en Santa RitaFESTA | De balde21:00 Praza de Santa Rita


23xuñ21:30San Xoán no CRAC de CoruxoFESTA | De balde21:30 Praia do Vao


23xuñ21:30San Xoán en CandeánFESTA | De balde21:30 UVCD Candeán


23xuñ21:00San Xoán no CarregalFESTA | De balde21:00 Carregal (Valadares)


23xuñ19:02San Xoán na MiñcocaFESTA | De balde19:02 Praza da Miñoca


23xuñ22:00San Xoán en ValladaresFESTA | De balde22:00 CVC Valladares


23xuñ21:00San Xoan no Bar DanaisFESTA | De balde21:00 Bar Danais


23xuñ22:00San Xoán en Padel StopFESTA | De balde22:00 Padel Stop


23xuñ21:00Losto KinskyCONCERTO | De balde21:00 Chiringuito O Pirata


23xuñ22:30Feel Free SamilFESTA | De balde22:30 Camaleón


23xuñ22:00Invasive SamilFESTA | De balde22:00 Praia de Samil


24xuñ00:30San Xoán na VelaFESTA | De balde00:30 La Vela

Compartir
X