BannerRevistaSetembro21

As carreiras comezan a recuperar ritmo

Aínda que o circuíto local de carreiras Run Run Vigo continúa en pausa, algunhas probas deportivas están a confirmar as súas respectivas edicións neste 2021 de transición. Entre elas atopamos tres probas en Vigo e outras sete en diferentes concellos da contorna. O mellor vai ser ir poñendo os tenis e comezar a quecer.

Varios deportistas correndo en Samil. | P. Vázquez

RASTREXO MONTECASTELO (30 de maio)

Proba deportiva para todos os públicos con equipos de entre dous e cinco integrantes. Terá lugar nas inmediacións do monte Castelo en Parada, Nigrán. Haberá dúas categorías: Xóvenes castores e Explorers. As inscricións realizaranse no correo turismo@nigran.org

TRAIL DE VILATUXE (6 de xuño)

A proba sairá do Pozo do Boi (praia fluvial de Vilatuxe), en Lalín, o domingo 6 de xuño. A hora, distancia e o desnivel dependerá da modalidade escollida: longo (32km), curto (17), promo (12), andaina (17 ou 12) e pequetrail (de 400m a 3000m). Inscricións aquí.

V NOCTURNA DE NIGRÁN (12 de xuño)

Unha carreira que sempre conta con moita aceptación é a nocturna no concello veciño de Nigrán. Todas as prazas para esta V edición, tanto da modalidade de 5 como da de 10 quilómetros, están completas, cun total de 350 participantes.

X-ONE RACE (29 de agosto)

Proba de 8 quilómetros e 80 obstáculos na pista americana Brilat de Salcedo. As modalidades son: Elite Ocra, Elite Ocra por idades, Elite non ocra, Tanda FCSE, Tandas populares e Tandas kids (de 4 a 7 e de 8 a 11 anos). Inscríbete aquí.

THE WILD RACE (5 de setembro)

O festival multidisciplinar The Wild abre as inscricións de The Wild Race, unha carreira OCR que terá lugar o 5 de setembro e que promete grandes doses de adrenalina e desafío nun entorno natural como é o Parque Forestal de San Miguel de Oia. Ademais, cun percorrido de 8 quilómetros e máis de 35 obstáculos e desafíos naturais, incluiranse elementos adaptados doutras disciplinas como CrossTraining, PaleoTraining ou Strogman. As modalidades son Wolf, Raven, Élite e Popular. Inscricións aquí.

MEDIA MARATÓN DE VIGO LA 21 (7 de setembro)

Volve La 21, a media maratón de Vigo, o vindeiro 7 de setembro. Nesta edición só contará con 500 prazas, nas que xa están incluídas as persoas inscritas na última edición. A proba sairá ás 10:21 da praia do Vao e rematará na rúa Montero Ríos. Existen diferentes modalidades: clásica, 10 quilómetros, relevos de dous e relevos de catro persoas. Podes inscribirte aquí.

DESAFÍO BOOT CAMP (3 de outubro)

Boot Camp é un dos maiores eventos deportivos e de lecer do Norte de España e Portugal. Todo comezou en 2015 como unha carreira de obstáculos onde os corredores debían superar uns 30 obstáculos nun percorrido de 6-7 quilómetros. Ano a ano o proxecto foi crecendo, incluíndo novas actividades deportivas e de lecer. Esta 7ª edición terá lugar o 3 de outubro, cunha xornada previa con masterclass e exhibicións. As modalidades son Élite, Popular, Equipos e Kids. Inscríbete aquí.

V CROSS POPULAR CABO UDRA (10 de outubro)

O Cross Cabo Udra  (Bueu) nace coa clara intención de darlle continuidade e recuperar unha proba que se viña realizando desde antano, e que era un dos referentes provinciais a nivel escolar e popular, o Cross de Beluso. Falar del é mergullarse nunha montaña rusa de recordos e imaxes que nos trasladan as décadas dos 80´ e 90´ onde tivo o seu maior esplendor. As inscricións aínda non están abertas.

TRAIL DO TREGA (17 de outubro)

Banner A Movidiña

Despois do éxito da proba nos Muíños do Folón (as prazas esgotáronse en menos de 24 horas) o pasado 9 de maio, a Pontevedra Trail League continúa no sur da provincia o 17 de outubro co Trail do Trega, en A Guarda.

TRAIL DO ALOIA (7 de novembro)

Terceira parada da Pontevedra Trail League, que se celebrará en novembro no monte Aloia, Tui. As inscricións aínda non están abertas.

X