CAMELIAS MASCOTAS

‘Algún sitio al que volver’, de Cambaleo Teatro

Publicado o por
Foto: David Ruiz

«A ese mundo repugnante entregamos las armas. Y rendidos emprendemos viaje a alguna frontera. Lejana y desconocida. Quizá a festejar el conocimiento adquirido en este viaje sin sentido. O a festejar esta derrota grandiosa y sin paliativos. O a festejar ambas cosas a la vez. O festejar sin motivo alguno». Así é como presenta Cambaleo Teatro, a veterana compañía dos irmáns Sarrió, o seu último espectáculo: Algún sitio al que volver. Facendo honra a este título, os madrileños regresan á súa casa galega, o escenario negro do teatro Ensalle, cunha proposta que aborda cuestións fundamentais sobre os estilos de vida da actualidade, a relación co traballo, a incerteza destes tempos, o cansazo e a necesidade de pararse a contemplar como unha alternativa á velocidade desapiadada do sistema capitalista.

Con dirección e textos de Carlos Sarrió, a nova montaxe de Cambaleo xorde dun poemario do autor madrileño e do ensaio La sociedad del cansancio, do filósofo surcoreano Byung-Chul Han. Algún sito al que volver propón unha suxerente posta en escena en que o vídeo de David Ruiz dialoga coa acción escénica, a pintura e a música en directo dun elenco de sete intérpretes: Eva Blanco, Julio C. García, Begoña Crespo, Martín Cano, Flor Goldstein, Julia Eme e Antonio Sarrió. Non deixes pasar a oportunidade de ver na sala da rúa de Chile o último traballo dunha das compañías máis interesantes e comprometidas do panorama escénico estatal.

Data e hora: Venres 3, sábado 4 e domingo 5, ás 20.00 horas

Lugar: Teatro Ensalle

REVISTA NOVEMBRO

Entrada: 10,00 € (reserva en teatroensalle.com)

Ernesto Is

Escritor

The following two tabs change content below.
My LinkedIn profileMy Instagram profile

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.