Música, danza e observación do firmamento, así será o verán en Villa Solita
A música jazz será a gran protagonista da programación de Villa Solita, que terá lugar entre o 2 de xullo e o 20 de agosto. Ademáis de música, a mansión indiana restaurada Finca Villa Solita tamén acollerá un espectáculo de danza, dúas xornadas de observación do firmamento e unha visita guiada.
Música, danza e patrmonio son os tres pés da programación para este verán en Finca Solita, unha casona señorial de estilo indiano de finais do XIX restaurada no 2019 polo Concello de Vigo mantendo o nivel de ruina no que se atopaba, respetando todo o que se conservaba da estructura orixinal e enfatizando a súa beleza cun logrado xogo de iluminación.O recinto, situado en Alcabre moi preto da Avenida de Euriopa, xa acolleu concertos e actividades culturais durante os veráns de 2019 e 2020.
As actuacións terán un aforo de 50 prazas e comezarán ás 21h, a excepción do concerto de Juan Manuel Vázquez que comezará ás 20h.
2 de xullo – Yep! , trío de clarinete, piano e batería que interpreta repertorio de jazz e versións de temas actuais.
9 de xullo – Sergio de Miguel Trío, pianista vigués que fusiona as súas raíces galegas con influencias jazz e latinas. Estará acompañado por batería e contrabaixo.
15 de xullo – danza Aínda en Pé,
23 de xullo – Noar, un proxecto a dúo creado polos músicos Rubén fernández e Iago Marta, misturando estilos e influencias coma o jazz, a canción de autor, o ruidismo ou a música tradicional galega.
30 de xullo – Cuchus Pimentel, guitarrista de estilo flamenco e jazz.
6 agosto – Dous
20 de agosto ás 22h – Concerto nocturno con Juan Manuel Vázquez
Ademáis de música, Villa Solita será o escenario de dúas xornadas divulgativas de observación do ceo. A primeira, o 13 agosto ás 22:30h, leva por título “O Ceo de verán e as Bágoas de San Lorenzo”; a segunda, que se celebrará o 20 de agosto ás 22:45h, estará centrada en “O Ceo de Verán e percorrido telescópico pola lúa”. Ambas sesións teñen un aforo moi reducido e é preciso inscribirse previamente no 010.
