YVGOSLAVIA é un enigmático dúo de corte minimalista e protoindustrial.

Nos últimos anos conseguiron chamar a atención de críticos e fans con dous fantásticos traballos (ambos en Oráculo Records) e actuacións en vivo como o Festival Ombra en 2023.

Usando caixas de ritmos, sintetizadores, baixo e guitarra, crean un aura fría e efémera. Un proxecto intimista asociado á experimentación, o cambio e o fracaso. Esta será a súa primeira xira por Galicia.

Por outra banda, Víctor García é un deseñador sonoro e explorador audiovisual cuxos pasos foron mutando ao longo dos anos ata cristalizar no seu proxecto máis persoal con DEATH WHISTLE.

A súa carreira compositiva centrouse na última década na composición de bandas sonoras, tanto para videoxogos como para celebrados traballos fílmicos como Decorado, Psiconautas, Los Niños Olvidados ou Sangre de Unicornio, pezas con dous premios Goya entre os seus múltiples galardóns.

ENTRADAS AQUÍ