Xincana VOCABLOS EN GALEGO, ATOPALOS É SINXELO!

Desde a Asociación de Comerciantes e Empresarios do Calvario o vindeiro sábado día 14 de maio e ata o próximo 15 de xuño convidan os nenos e nenas de entre 6 e 13 anos a participar na xincana “VOCÁBULOS EN GALEGO, ATOPALOS É SINXELO!” en homenaxe ao Día das Letras Galegas.

A mecánica consiste en percorrer os establecementos colaboradores e a Biblioteca Municipal Xosé Neira Vilas, e responder correctamente ás cuestións expostas nun lugar visible do establecemento. Unha vez respondidas correctamente todas as cuestións, deberán depositar a papeleta nunha urna instalada na sede da asociación (San Roque, 109, interior local 14). Entre todas as papeletas sortearanse premios.