Grupo Forbe celebrará o vindeiro venres 17 de setembro o gran evento presencial da “volta á normalidade”, Vivencia 2021, no Palacio Auditorio Mar de Vigo.
O campión do mundo de natación David Meca, o surfeiro Álvaro Biscaíño que sobreviviu á morte e inspirou a película “Só” e a empresaria, escritora e conferenciante Pilar Jericó serán os protagonistas da xornada de tarde cos seus relatorios sobre desenvolvemento persoal, motivación e superación.

Por último, como gran fin de festa, Xoel López e o seu sexteto ofrecerá un concerto na terraza do Auditorio Mar de Vigo para todos os asistentes a Vivencia 2021.

O evento terá lugar o 17 de setembro no Auditorio Mar de Vigo, en horario de mañá, tarde e noite. As entradas xa están á venda en vivenciaeventos.com