Underfest Bites: Redd Kross

Concerto dentro do festival Underfest da banda californiana Redd Kross, o 2 de novembro ás 20:30h.

Entradas en Ataquilla desde 11,60€

Os irmáns Jeff e Steve McDonald formaron REDD KROSS en California a finais dos 70. O seu primeiro show foi como teloneiros de Black Flag e lanzaron o seu disco debut (o EP “Posh Boy”, convertido xa nun clásico) en 1980 cando só tiñan 17 e 13 anos respectivamente. En 2024 cumpren nada menos que 45 anos de carreira e seguen en plena forma.

Durante décadas os McDonald mantiveron unidos a Redd Kross, lanzando múltiples álbums de estudo, EP’s e sinxelos, e sendo unha banda de cabeceira para multitude de grupos e artistas novos que se viron influenciados polas súas cancións. Que son Redd Kross? Punk rock? Psicodelia? Power Pop? Sexa o que sexa, a clave é que a súa personalidade é 100% Redd Kross, os retrousos máis pegadizos, repletos de poderosos riffs, melodías e harmonías, imposible non sorrir e cantar.