O Centro Comercial Camelias celebra o Día da Nai cun obradoiro gratuíto e moi especial: unha sesión de imaxe persoal da man de Alicia Gil, asesora de imaxe e maquilladora profesional. A cita será este sábado 3 de maio ás 17:30 horas na planta baixa do centro.

Durante o obradoiro, Alicia presentará os panos ColorTest, unha ferramenta innovadora que permite identificar as cores que máis favorecen segundo o ton de pel, cabelo e ollos. De xeito práctico e participativo, ensinará como escoller as tonalidades que mellor harmonizan co rostro, realzando a beleza natural tanto no día a día como en ocasións especiais.

Unha experiencia pensada para agasallar ás nais —ou para quen queira sorprender cun detalle diferente—, aberta a todo o público e de acceso libre. Un plan perfecto para compartir estilo, cor e autoestima.