Iván Ferreiro

Case un ano tivemos que agardar para poder escoitar en directo en Vigo o último disco de Iván Ferreiro Trinchera pop (Warner Music, 2023). O sábado, 25 de xaneiro, o músico do Val Miñor subirá ás táboas do Teatro García Barbón despois de xirar por toda España. En escena estará acompañado da súa banda habitual, Pablo Novoa ás teclas, Ricky Falkner ao baixo, Xabier Molero á batería, Sergio Martínez nos teclados e programación e con Emilio Saiz e Amaro Ferreiro ás guitarras.

O disco publicado en 2023 chegou despois de varios anos sen publicar nada, concretamente desde o 2016. Foi un proceso longo e traballado. Despois da pandemia comezou a traballar cos seus músicos nos temas de Trinchera Pop baixo a produción de Ricky Falkner. Gravado entre o seu estudio de gravación Dondenoshabidusientan e na La Casa Murada, este álbum lévanos ao mundo de Iván, cheo de referencias literarias e cinematográficas, onde a súa música fainos ver imaxes sempre de cores diferentes e cheas de homenaxes. Cancións como “En el alambre” ou a homenaxe de “La humanidad y la tierra” ou a apoteose clásica de “En las trincheras de la cultura pop” son algúns dos temas que soarán no concerto do sábado.

En palabras do propio artista “Quería que fora mellor que o anterior. Supoño que todos queremos mellorar no noso traballo segundo crecemos. E tamén que fora distinto. Distinto en forma e contido. Tamén distinto na miña forma de vivir o proceso, porque coa miña voz hai pouco que facer”.

Entradas.