Afianzados como unha das bandas revelación do panorama Rock and Roll Santiagués dos últimos anos, Sr. SALVAXE publica o seu segundo disco: ‘Vuela’
A banda volve á carga con este álbum no seu formato máis potente e eléctrico para seguir facendo vibrar ao público na súa nova xira 23-24 na que percorrerán Galicia e parte do territorio nacional presentando en directo o seu último traballo. O venres 27 de outubro recalarán na Sala Sónar de Santiago de Compostela descargando toda a súa enerxía dentro dun show electroacústico cun repertorio no que exploran os matices máis clásicos do Rock, flirtean co Soul e mesmo incorporan elementos do Country, TexMex e Rock sureño pero sen esquecer as guitarras afiadas e a voz rachada que surfeando sobre unha base rítmica de alta octanaxe, son xa marca da casa.