Soutullo e a pianola, por Jordi Roquer

Soutullo e a pianola, por Jordi Roquer
Concerto de pianola e conferencia
Venres 26 de xaneiro ás 19:00h
Auditorio Municipal do Concello de Vigo

Entradas a 5€
Consulta ou programa completo

A pianola foi un fenómeno de gran relevancia durante o primeiro terzo do século pasado. Xusto antes da eclosión do disco –que definiría as lóxicas dos mercados musicais de boa parte do século XX– os rolos de papel perforado foron un dos primeiros sistemas de difusión masiva de música, cun alcance global e un mercado ata hai pouco descoñecido, pero de dimensións sorprendentes. Na Península Ibérica o mercado da pianola despregou grandes estruturas, chegando mesmo a exportar miles de obras de compositores españois ao redor do mundo. Soutullo é un deles, cunha notable presenza nos catálogos das principais empresas estatais e con varias das súas obras exportados aos mercados suramericanos.

A charla estruturarase sobre dous eixos: unha necesaria introdución para contextualizar o rolo de pianola histórica e tecnoloxicamente, seguida da audición de varios rolos de Soutullo, comentados e contextualizados debidamente.

Entradas