Durante o medievo, en Europa desenvolvéronse un conxunto de armas e técnicas de combate utilizadas tanto para a guerra como para o duelo. Hoxe en día, a esgrima histórica rexorde como un deporte moderno, pero recreando con gran rigor os tratados que nos legaron os antigos mestres de esgrima. Unha práctica totalmente segura, onde empregan simuladores, é dicir, espadas romas (coas puntas abotoadas e sen fío) e coas proteccións adecuadas.