Semana de Produción e Xestión: 'El valor de los derechos de autor'

O Conservatorio Superior de Música de Vigo acolle nesta volta de Semana Santa a semana de Produción e Xestión musical, en relación directa cunha das especialidades do propio centro. Organizada polo alumnado da devandita especialidade, o centro acollerá a diversos expertos na material.

Juan Carlos Fernández Fasero é un físico e músico que conta con anos de experiencia na produción musical e na direción e participación en diferentes asociacións culturais e axencias de dereitos de autor (SGAE). A súa conferencia versará sobre os dereitos de autor e temas relacionados aplicados á industria musical.

Venres 9 ás 11:00

As charlas programadas son:
– 6 de abril ás 18.00: Saír da casca
– 7 de abril ás 18.00: Xestión de xiras
– 9 de abril ás 11.00: O valor dos dereitos de autor
– 9 de abril ás 12.30: Produción e xestión, de afición a ocupación