Santi Araújo

Canciones para bailar é o último disco de Santi Araújo; viu a luz o pasado 2024 e con el leva o baile ás salas. A próxima parada, este sábado 25 en Vigo. Presentarao na sala Radar, con banda. Imperdible.

Canciones para bailar é un disco que se define a si mesmo no título, pero do que se pode dicir moito máis. Nel, o artista cambiou o método; a proposta é diferente á de Solta Ø Morde, o seu anterior álbum. Un traballo que evidencia a súa capacidade para explorar novos rexistros máis desenfadados sen perder a súa identidade de orixe. É, de feito, o traballo máis persoal, que non autobiográfico, de Santi Araújo ata a data.

Gravado integramente en cinta, este disco ofrece unha viaxe a través de 14 cancións que van desde a bossanova e o folk ata a psicodelia, cunhas letras acompañadas dun fraseo que xa é de seu. Canciones para bailar marca un fito na súa carreira, demostrando que aínda hai moitas facetas por descubrir deste artista galego.

O disco é tamén unha homenaxe á música, ao seu poder transformador. É alegre, non fai falta moito máis que escoitar e deixarse levar. O disco é, en si mesmo, un baile á perpetuidade. Puro bo rollo, unha xanela pola que se mete a luz. Gozalo en directo, é obrigado, pois supón unha cita coa lixeireza en tempos de cargas; imperdible.

Entradas