Estudo sobre a orixe, características e natureza xurídica da institución do Comisario para os Dereitos Humanos no seo do Consello de Europa, así como da súa posta en marcha e actuacións máis destacadas, expostas a través da experiencia do autor como primeiro Comisario electo. Abarca desde as actuacións en situacións de urxencia, como a guerra de Chechenia ou os conflitos armados de Xeorxia, Kósovo e outros, así como as intervencións de control ordinarias nos países membros do COE. A relación institucional con outros organismos, internacionais e en especial coa Unión Europea (Comisión e Parlamento) ou a actividade de promoción dos dereitos humanos a través de diferentes medios.