Presentación do libro sobre o escultor Silverio Rivas, afincado na parroquia de Paramos. A obra, que leva o nome do artista, foi editada pola Fundación Xoán Piñeiro, co apoio dos Concellos de Tui e Ponteares e da Consellería da Cultura.

Silverio Rivas é o segundo volumen de Negra, unha colección de libros monográficos promovida pola Fundación Xoán Piñeiro. O libro pretende, según a fundación, descubrir a manía do escultor ponteareano “pola escultura pública, pola constante exploración da materia, pola alta expresión poética e polo xogo que imprime aos proxectos que realiza”.

O libro xorde como un novo recoñecemento á importancia do creador galego no concepto da arte pública con obras que impactan e abrazan os espazos públicos.