O vindeiro mércores 23 de abril, con motivo da celebración do Día do Libro, preséntase no centro comercial Travesía ás 18:30 horas a novela La Bestia del Silencio, primeira obra da escritora galega que asina baixo o pseudónimo de Pluma de Tojo. A cita convida a penetrarse nunha historia potente sobre o trauma, os segredos da infancia e a loita por recuperar a
memoria.

SINOPSE

Ambientada en Galicia, a novela arrinca no verán de 1988, cando María, unha nena de dez anos, atopa morto ao seu mellor amigo en plenas festas do pobo. O que se presenta como un accidente convértese na orixe dunha sospeita e unha perda aínda maior: ese mesmo día a súa irmá quítase a vida. Trinta anos despois, unha psicóloga clínica chamada Esther enfrontarase ao expediente de María, mentres acompaña a unha adolescente vítima de abuso. O que parecía enterrado volverá á superficie con toda a súa forza.

Que farías se non puideses completar a túa biografía porque descobres que borraches o malo? Ata onde chegarías para recuperar os recordos durmidos?

Pluma de Tojo, pseudónimo artístico desta autora nada en Vigo e residente en Culleredo, debuta cunha novela de tinguiduras psicolóxicas e poéticas, que navega entre a fraxilidade e a valentía, a realidade e a imaxinación, o pasado que doe e o presente que queima.

A presentación contará coa participación da autora, Mayte Corbillón, lectura de fragmentos e un espazo para preguntas do público. Entrada libre ata completar aforo.