A Asociación Cultural Évame Oroza acolle Paisaxe interior, unha exposición de Xulio García Rivas que estará dispoñible desde o venres, 14 de marzo, ata o venres, 25 de abril.

Paisaxe interior reúne parte da obra máis recente de Xulio García Rivas, unha selección de pezas de mediano e gran formato realizadas en tinta chinesa e acrílico sobre lenzo. As dimensións dalgunhas das pezas xogan un papel destacado nesta proposta de carácter inmersivo coa que se tenta conectar ao espectador co seu mundo interior, a través da interpretación da paisaxe que se fundamenta, na memoria, a imaxinación, a intuición, a emoción ou o azar.

A obra de Xulio García Rivas contén elementos da pintura taoísta chinesa, na que a paisaxe é un elemento cambiante, en continua transformación; e do expresionismo abstracto que se transforma nunha referencia espiritual e poética. Na mostra expóñense varias obras inéditas.

HORARIO DA A. C. ÉVAME OROZA

• De luns a venres: 17:00 a 20:30 h.