O Padroado de Protección á Muller foi a institución represiva contra as mulleres de máis longa duración da ditadura franquista. O seu extenso e variado repertorio represaliador aínda non é suficientemente coñecido. É hora de dar a coñecer os seus específicos mecanismos de control social, as institucións que traballaban para aplicalo , a singularidade territorial da súa acción en Vigo e as empresas e organizacións que amparadas polo Padroado obtiveron beneficios económicos coa explotación laboral das súas vítimas.