Os minimerdeiros toman o Casco Vello na VIII Merdeirada Cativa

O 15 de febreiro a asociación O Merdeiro organiza, por oitavo ano, a Merdeirada Cativa, unha xornada dirixida á rapazada de entre 3 e 12 anos que inclúe un obradoiro de máscaras, unha comparsa polo Casco Vello e posterior chocolatada. O taller realizarase na AVV Casco Vello. Haberá 25 prazas para participantes de entre 3 e 6 anos e outras 25 para os de 7 a 12 anos.

17:00 Obradoiro de máscaras
18:00 Saída merdeira
Ao remate haberá chocolatada e foliada

Preme aquí para inscribirte a partir do domingo 9 ás 17:00

Historia do merdeiro

O merdeiro é un personaxe do entroido vigués de caracter popular que remitiu nos anos 20 do século XX por medio de ordenanzas municipais que sen mentalos atacaban a súa figura.

A figura do Merdeiro interprétase coma unha eterna rivalidade entre mariñeiros e labregos, entre a loita cotiá co mar e a tranquilidade do agro. Os seus diferentes espíritos son incompatibeis e maniféstanse en todas as ocasións por un mútuo desprecio, pois os campesiños teñen o íntimo convencemento de inferioridade emotiva do seu vivir e contraposición da loita heroica dos mariñeiros. Nesta ocasión o criticador era o Merdeiro (Xente da mariña) e o criticado era o Escabichairo (xente da labranza).

Chegado o Entroido, os mariñeiros transformábanse en merdeiros con a intención de expresar, con máis forza, as súas animosidades con os do agro. Para elo acostumaban a vestirse ao xeito do escabicheiro, ridiculizando aqueles elementos do traxe e aparellos de faena máis representativos e esaxerando o seu comportamento ante a sociedade.

De maneira xeral, o merdeiro acostuma a vagar de xeito improvisado polas rúas da Zona Vella en solitario ou en reducidos grupos carentes de organización algunha. Corre, chota e berra asustando á xente con a vara e pronunciando verbas e frases malsonantes.

Neste senso, o merdeiro compórtase e comportarase amolando a toda a xente con a que se atope, chegando inclusive a guindarlle fariña. Neste papel que cumpre no Entroido urbán Vigués, a figura desta personaxe deberá de ser respeitada a todos os niveis.

Fonte: omerdeiro.org