Programación da semana da EOI:

• O mércores 2 de abril ás 19:00 horas, na Aula Magna, contarán con Xesús Alonso Montero, quen impartirá a charla O talante e o talento demótico de Castelao na súa obra plástica e literaria. Esta conferencia será unha oportunidade única para afondar na figura de Castelao e na súa relevancia tanto artística como literaria.
• O xoves 3 de abril ás 18:00 horas a programación continúa cun espectáculo de música e poesía, protagonizado por Fabio Angelli e María Alonso. Esta actividade celebrarase no adro da escola, ofrecendo un espazo de expresión artística e creativa para toda a comunidade.
• A seguir, ás 19:00 horas na Aula Magna, terá lugar un obradoiro organizado polo Equipo de Dinamización da Lingua Galega en colaboración con Nós Mesmas. O taller abordará a temática da LGTBIfobia e a creación de espazos seguros, promovendo así a inclusión e o respecto dentro do noso ámbito educativo.