Momix - Alice

«A Alice de MOMIX enche o escenario cun marabilloso e vertixinoso fluxo de actividades ópticas e ilusións no medio de expansivas e artísticas proxeccións». Así se refire o rotativo estadounidense The Wall Street Journal á máis recente produción da compañía de danza ilusionismo MOMIX. A montaxe chega este mes ao Teatro Afundación. Haberá catro funciones entre os días 22 e 24 de novembro. As entradas están dispoñibles en Ataquilla.com.
MOMIX comparece en Vigo coa súa Alice tras 5 anos de presentacións en todo o mundo: Italia, Estados Unidos, Francia, Holanda, Israel, Uruguai ou Brasil son algúns dos países por cuxos principais escenarios xa pasou. E despois de 8 anos sen facer promover os seus espectáculos en España.

Adaptación libre
Alice é unha adaptación libre do clásico da literatura infantil Alicia no país das marabillas. O director da montaxe e fundador de MOMIX, Moses Pendleton, explica que a súa proposta para esta obra «non trata de contar de novo a historia de Alicia, senón de utilizala como un pretexto para a invención». A invención, para a compañía que dirixe, constrúese a partir de elementos como a ilusión, a danza, a acrobacia, o vestiario ou os xogos de luces e imaxes.
A nova proposta de MOMIX xoga coa flexibilidade física dos seus bailaríns, que utilizan apoios, cordas, e mesmo os corpos dos seus compañeiros para expandir os límites dos seus movementos. Todo iso compleméntase cun cegador vestiario deseñado por Phoebe Katzin, que, xunto a un espectacular despregamento de imaxes, espellismos e música, crea unha experiencia inesquecible.

Sesións:
Venres 22 ás 20:30 h
Sábado 23 ás 17:00 h e ás 21:00 h
Domingo 24 ás 18:00 h