Mercado Cerámico

No todo el pescado está vendido dálle unha volta ao seu habitual MERCADO DA ARTE da praza de abastos do Calvario, para expandir a súa rede de artesáns a outros mercados sendo, neste caso, o Mercado de Teis, outra zona moi emblemática da cidade onde a vida de barrio segue moi presente nas súas rúas e no seu día a día.

A cerámica será a protagonista do evento. Unha disciplina que está en auxe cada día máis, pasando pola cerámica utilitaria á de deseño. Distintas escolas na nosa cidade abalan esta disciplina e grandes mestres vigueses, como Emilia Guimarães ou Miguel Vázquez, son en parte, responsables deste auxe artesanal.

Este mercado terá a particularidade de celebrarse xunto coa actividade habitual do mercado de Teis, onde se mestura a compra de alimentos diaria coa cerámica, fomentando así, o costume de outrora dos mercados, onde os artesáns formaban parte do día a día destes espazos.

Será unha xornada acompañada dunha gran programación, desde talleres de cerámica. charla da Olería de Añon, música en directo, de gustación de produtos de mercado e moitas máis sorpresas.