Manifestación 25N

Feminismo Unitario de Vigo chama a manifestarse este xoves, 25 de novembro, con motivo do Día Internacional para a Eliminación da Violencia contra as Mulleres para ‘transformar a rabia en revolta e gritar conxuntamente que as mulleres quérense libres e vivas’.

Esta manifestación busca poñer voz ás que non sobreviviron e denunciar que, ‘a pesar das leis, o aumento da conciencia feminista e a loita, os motivos de conmemoración do 25 N seguen igual de vixentes’.

Partirase da Vía Norte ás 20:00h e percorrerá a rúa Urzáiz ata Colón, onde se lerá un manifesto e homenaxearase ás mulleres asasinadas a causa da violencia machista.