Lisa & The Lips

Concerto o sábado 22 de xuño ás 21:30 na Sala Masterclub

Tras o nome de Lisa & The Lips ocúltase unha auténtica constelación de músicos pertencentes a bandas como The Right Ons, Diamond Dogs ou os True Loves de Eli “Paperboy” Reed. E á fronte de todos eles, Lisa Kekaula e Bob Vennum. A cantante e o guitarrista, a espiña dorsal de The BellRays. Esa fantástica banda californiana con máis de 20 anos de traxectoria na que souberon combinar como case ninguén o soul e o punk/rock. Lisa desprega en directo toda a súa enerxía e potencia vocal arroupada por unha sólida banda na que destaca unha impoñente sección de metais e a sempre experta man da outra metade de Bellrays, Bob Vennum.

Entradas na web de Heart of Gold